Роки Ревард

Баруун Австралийн Калгүүрли хотоос хойш 400км зайд орших Роки Ревард нь BHP Nickel West компанийн Лэйнстер уурхайн цогцолборт багтах никелийн ил уурхай юм.

Өмнө ашиглаж байсан энэхүү уурхайд Тийсс 2015 оны 8-р сараас үйл ажиллагаа явуулж эхэлсэн ба энэхүү төсөлд олборлолтын иж бүрэн үйлчилгээ үзүүлэх, тухайлбал уурхайн төлөвлөлт, тэсрэх бодисын нийлүүлэлт, өрөмдлөг, тэсэлгээ, хөрс хуулалт, хүдэр олборлолт, техникийн дэмжлэг үзүүлэх ажлыг хариуцан ажилладаг.

BHP Группийн гишүүн Nickel West компани нь Маунт Кийт, Клиффс болон Лэйнстэр уурхай, Калгүүрли хайлуулах үйлдвэр, Камбалда баяжуулах үйлдвэр, Квинана боловсруулах үйлдвэрээс бүрдэх бөгөөд никель үйлдвэрлэлийн нэгдсэн үйл ажиллагаа явуулдаг.

Тийсс нь захиалагч, ханган нийлүүлэгчидтэй хамтран ажиллахдаа орон нутагтай нягт хамтын ажиллагаа тогтоох, бизнес хөгжүүлэх, ажлын байр бий болгох, мөн Гөүлдфийлдс бүс нутгийн уугуул иргэд, тэдний соёл, заншлын талаарх ойлголтоо нэмэгдүүлэх, соёлыг түгээхийг зорьдог юм. 

Тийсс нь орон нутгийн сургуулийн сурагчдын сурах, хөгжих үйл явцыг дэмжих зорилгоор Хойд Гөүлдфийлдс дүүргийн хойд хэсэгт байрлах сургууль хоорондын спортын арга хэмжээ, Лэйнстер дүүргийн сургууль, Леонара дүүргийн дунд сургууль зэрэг орон нутгийн сургуулиудын үйл ажиллагааг дэмжин, хамтран ажилладаг.