Их дээд сургуулийн төгсөгчдөд зориулсан хөтөлбөр
Инновацийг хөгжүүлэхэд хувь нэмэр оруулах, олон улсын төслүүдэд ажиллах, ирээдүйд чухал шаардлагатай ур чадваруудыг хөгжүүлэх боломжийг шинэ залуу мэргэжилтнүүдэд нээн өгөх замаар Тийсс компани ирээдүйн манлайлагчдад хөрөнгө оруулалт хийдэг.
Хамгийн шилдэг, чадварлаг залуу мэргэжилтнүүдийг хамруулах зорилгоор боловсруулсан “Их дээд сургууль төгсөгчдөд зориулсан хөтөлбөр” нь уул уурхайн салбарт ажил мэргэжлийн гараагаа эхлүүлэх сорилттой бөгөөд сонирхолтой арга зам болдог. Их дээд сургуульд сурсан зүйлсээ бодит амьдралд хэрэгжүүлэх анхны өдрөөс эхлэн бид тусалж, дэмжих болно. Шинэ бүтээл оновчтой санаа гаргах, үр дүнд хүрч ажиллах, хүссэн карьертаа хүрэхэд шаардагдах ур чадвар, чадамжийг хөгжүүлэхэд та бүхэнд дэмжлэг үзүүлэх болно.
Бидний хайж буй зүйл
Захиалагчид илүү сайхан ирээдүйг цогцлооход шаардлагатай эрдэс баялгийг илүү аюулгүй, ухаалаг, тогтвортой арга замаар олборлоход бидэнд дэмжлэг үзүүлэн ажиллах урам зоригтой оюутнуудыг хайж байна.
Тийсст ажиллах шинэ, залуу мэргэжилтэн нь дараах шаардлагыг хангасан байна:
- Бүтээлч, уян хатан байх – шинийг санаачлагч, өөрчлөлтөд дасан зохицох чадвартай, сайн шийдлийг олохын төлөө бүтээлчээр сэтгэдэг байх.
- Багаар ажиллах чадвартай байх – өөрийн ур чадварыг дайчлан ажиллах хүсэл зорилготой, хамтран ажиллах болон харилцааны өндөр ур чадвартай, бусдаас суралцах эрмэлзэлтэй байх.
- Өөрчлөлт хийх урам зоригтой байх – шинэ санаануудыг сорих, боломжуудыг нэмэгдүүлэх, өндөр гүйцэтгэлтэй багт ажиллах сонирхолтой байх.
Бид дараах чиглэлээр суралцан төгсөх шинэ, залуу мэргэжилтнүүдээс сонгон тус хөтөлбөрт хамруулдаг. Тухайлбал:
- Инженерчлэл (цахилгааны, уул уурхайн, механикийн, иргэний барилгын, мехатроникийн)
- Геологи
- Маркшейдер
- Байгаль орчин
- Дижитал, технологи
- Санхүү, нягтлан бодох бүртгэл
- Хөдөлмөрийн аюулгүй байдал, эрүүл ахуй
Манай хөтөлбөрүүд
Тийссийн “Их дээд сургууль төгсөгчдөд зориулсан хөтөлбөр”-т оролцсоноор ажлын байрны сургалтаас гадна чиглүүлэх сургалтын төлөвлөгөөний дагуу мэргэжлээрээ тасралтгүй өсөж хөгжих боломжтой, системтэй сургалтад хамрагдана. Тус хөтөлбөр нь бүс нутгаас хамаараад үргэлжлэх хугацаа болон давтамжийн хувьд ялгаатай бөгөөд оффист болон зайнаас үйл ажиллагаанд дэмжлэг үзүүлэн ажиллах ажил үүргүүд багтсан байдаг.